A intervención máis significativa realizarase no Camiño de Pousada, na parroquia de Pantiñobre, onde se actuará sobre un tramo de 480 metros. Ademais da renovación do firme, levaranse a cabo traballos para mellorar a recollida de augas pluviais, mediante a instalación de novas canalizacións, arquetas e elementos de drenaxe.
No Camiño de Lema, a obra centrarase nun tramo de 75 metros. Os traballos incluirán a renovación da capa de rodadura, a reparación previa das zonas deterioradas, a limpeza de cunetas e pasos de auga, e o pintado das liñas dos marxes da vía para unha maior seguridade.
A terceira actuación desenvolverase no Camiño á Painza, en Viladavil. Neste punto, mellorarase un tramo de 130 metros e pavimentarase outro de 190 metros con formigón. A obra completarase coa limpeza de cunetas e pasos de auga, e coa colocación dun novo sinal de stop para reforzar a seguridade viaria.
“"O Concello de Arzúa continúa avanzando na conservación e mellora das pistas das parroquias, unha rede viaria fundamental para a vida diaria da veciñanza, para o acceso ás vivendas e para a actividade económica e social do municipio."
