A nova infraestrutura, ubicada no centro xeográfico de Galicia, busca impulsar o desenvolvemento do rural e consolidar a comarca de [A Ulloa](https://www.elprogreso.es/tags/a-ulloa/) como destino turístico emerxente. A xornada inaugural contará con actuacións da Asociación Cultural Fiadeira, a Coral Polifónica Sons do Farelo e a Banda de Música de Antas, ademais do concerto de Treixadura.
A presidenta provincial, Carmela López, destacou o carácter estratéxico do proxecto para o equilibrio territorial e o desenvolvemento do interior da provincia. "O Parque Central de Galicia é un proxecto de carácter estratéxico para a provincia de Lugo", afirmou, subliñando que "aposta polo equilibrio territorial, garantindo oportunidades reais para o rural e convertendo os recursos propios en motor de desenvolvemento".
López incidiu no impacto directo que terá o novo espazo na dinamización económica e turística da comarca, concibido como "a expresión dun modelo de provincia que sitúa o rural no centro das políticas públicas". Tamén se puxo en valor que o proxecto está integrado na contorna natural e favorece un turismo sostible.
“"Non é só un espazo físico, senón a expresión dun modelo de provincia que sitúa o rural no centro das políticas públicas, impulsando a actividade económica, cohesión territorial e orgullo de pertenza."
A alcaldesa de [Antas de Ulla](https://www.elprogreso.es/tags/antas-de-ulla/), Pilar García Porto, tamén deputada de Promoción do Territorio e Turismo, cualificou a apertura como "un fito importante para a proxección deste concello e da súa comarca como lugar de identidade turística e con proxección social". Lembrou que os veciños senten "que somos o corazón de Galicia" e que a confirmación oficial desta condición polo Instituto Xeográfico Nacional supón "un xiro de 180 graos de cara á proxección de futuro do noso concello".
“"Esta obra é a nosa identidade co territorio, unha realidade coa que poñemos en valor o noso rural, as nosas raíces e coa que lle dicimos a toda Galicia que o interior ten moito que ofrecer."
Os asistentes á inauguración poderán gozar ademais dunha mostra de produtos tradicionais de proximidade, con queixos, pan artesán, galletas e empanadas como protagonistas.
