As actividades, divididas en catro quendas por tramos de idade, tiveron o seu inicio o pasado 1 de xullo e finalizarán mañá venres coa quenda de Multiaventura nos Chacotes. O delegado territorial de Lugo, Alfonso Villares, visitou hoxe aos participantes.
Durante as vindeiras semanas, os asistentes gozarán dunha ampla variedade de propostas como caiac, bicicleta BTT, escalada en rocódromo, láser tag, tiro con arco, técnica de vivac, slackline, triatlón e piscina. Tamén se organizarán excursións por lugares de interese da zona, incluíndo unha visita ao castelo de Pambre.
Alfonso Villares subliñou que esta programación ofrece aos mozos a oportunidade de vivir un verán ao aire libre, cun programa de ocio educativo e saudable, ademais de ser unha medida de conciliación familiar moi demandada.
Ademais, a Xunta tamén promove en Palas de Rei, durante o mes de agosto, o campo de voluntariado internacional Xuventude é Camiño, dirixido a 20 mozos e mozas de entre 18 e 30 anos. Estes participantes realizarán accións vinculadas á ruta Xacobea, como proporcionar información aos camiñantes, dinamizar actividades para peregrinos, acondicionar sendeiros ou crear un podcast sobre o Camiño en Palas de Rei.
