A concelleira de Benestar Social, Elena Sierra, expresou a necesidade de que a Deputación ofreza datos transparentes sobre a suba de prezos. Segundo Sierra, "desde o Concello de Ribadeo queremos solicitar á Deputación de Lugo que informe claramente ás familias da subida do prezo da residencia por usuario, xa que ata o momento non se fixo e as familias, como é lóxico, atópanse bastante perdidas. Hai casos realmente escandalosos, que non entenden nin comparten os residentes, as súas familias nin este equipo de goberno".
A edil popular subliñou a disconformidade do Concello ante esta suba, da que non foron informados en ningún momento. "O menos que deben facer desde a Deputación é ofrecer datos claros ao Concello de Ribadeo e por suposto ás familias dos residentes desta instalación", recalcou.
