A Comisión do Entroido e o Concello de Ribadeo organizan este evento fin de verán, que comezará a partir das 8 da tarde. A música repasará os grandes éxitos da época e haberá postos de comida con empanada e tortilla para os asistentes.
A concelleira de Comercio e Turismo, Marta Saiz, animou á veciñanza a participar caracterizados coa moda desa década, sacando do armario os pantalóns de campá, vestidos de flores, gafas xigantes e tupés. Tamén se fixo fincapé na importancia do comportamento cívico e do coidado do entorno, polo que se prohibirá o botellón na zona do parque e do Cantón.
“"Convidamos a todas as persoas a colaborar coa organización xa que os prezos serán populares e todo o recadado irá directamente á organización do Entroido 2027. Xa sabedes que a diversión está garantida o vindeiro sábado a partir das 8 da tarde. Veciños e visitantes convivimos durante todo o verán e qué mellor maneira de despedilo que todos xuntos recordando eses marabillosos anos."
A recadación íntegra do evento destinarase á organización do Entroido de 2027, buscando así a colaboración popular para financiar futuras edicións da festa.
