Baixo o lema “Ribadeo, 40 anos sendo Europa”, a xornada abordará o proxecto europeo, os seus retos e oportunidades, así como a súa relación con Galicia e o propio municipio.
O programa arrincará ás 11:00 horas cunha mesa redonda institucional. Nela participarán figuras relevantes como o conselleiro de Facenda e Administración Pública da Xunta de Galicia, Miguel Corgos López-Prado; o alcalde de Ribadeo, Daniel Vega Pérez; o eurodeputado Adrián Vázquez Lázara; e a subdirectora xeral de Relacións Exteriores e coa UE da Xunta, Mar Rodríguez Mediavilla.
Ás 12:00 horas, a xornada centrarase na mocidade ribadense. Seis mozos e mozas con vocación europea e internacional compartirán as súas experiencias e visión sobre os retos e oportunidades que ofrece Europa. Participarán María Teijeiro García, Antía Enríquez Martínez, Kevin López Orosa, Carolina Yáñez Santana, Fernando García del Río e Paula Rodríguez Folgueira.
O evento continuará ás 13:00 horas co peche institucional e unha homenaxe a Fernando Morán López, quen foi ministro de Asuntos Exteriores de España. O encontro finalizará ás 14:00 horas cun ágape que servirá como punto de encontro entre os asistentes.
