A campaña 'Pulsos', promovida pola Xunta de Galicia, chegará ás festas de San Xoán na localidade de Ribadeo. O programa busca concienciar sobre a importancia da correcta separación dos residuos na súa orixe, utilizando a música como ferramenta principal.
A iniciativa parte dunha idea sinxela: un sistema que só funciona cando todas as partes manteñen o ritmo. No caso da xestión de residuos, cada fracción é esencial e cada xesto cotián contribúe a manter o sistema activo. A campaña traslada este concepto á rúa, asociando as cinco fraccións do modelo de separación con cinco estilos musicais distintos, convertendo así a música nunha linguaxe que fai visible e memorable o hábito diario de reciclar correctamente.
A música convértese nunha linguaxe que fai visible e memorable un hábito diario como reciclar correctamente.
A presentación da campaña terá lugar durante as festas de San Xoán, entre as sete e media e as nove e media da tarde. Ademais, de cara á celebración, desde o concello de Ribadeo fanse varias recomendacións aos asistentes para garantir que a festa non se converta en lixo. Suxírense accións como recoller os propios residuos, optar por envases de plástico en lugar de vidro, manter unha fogueira limpa queimando unicamente madeira e cartón, e evitar lanzar ao lume materiais con puntas ou contaminantes, co obxectivo de deixar a praia tal como se atopou.
