O delegado territorial da Xunta en Lugo, Alfonso Villares, participou hoxe na presentación da feira, organizada pola asociación Cabaleiros de Lourenzá. O evento comezará ás 9,00 horas e busca manter a tradición cabalar da comarca.
A programación inclúe probas de andadura, un concurso morfofuncional de poldros e o Campionato Cabalo Marchador Galego. Tamén haberá compravenda de gando equino, vacún, ovino caprino e porcino, ademais de paseos gratuítos a cabalo para o público infantil.
Entregaranse premios aos mellores exemplares nas categorías de tiro, pura raza árabe, raza española e frisona, así como ao cabalo mellor engalanado ao xeito tradicional.
Villares animou á cidadanía a participar nesta xornada dedicada aos cabalos, á tradición e á convivencia.
