Con motivo desta efeméride, a homenaxeada recibiu a visita da alcaldesa, Carmela López, e da concelleira de Servizos Sociais, Sandra Fernández Cillero. Ambas felicitaron persoalmente a Rosario Balseiro polo seu aniversario e agasaxárona cun ramo de flores en nome de toda a veciñanza de Burela.

Rosario Balseiro Valle é natural de Rúa (Cervo), onde residiu ata o seu matrimonio. Posteriormente, trasladouse a Budián, no concello de O Valadouro. Ao longo da súa vida, dedicouse ás tarefas do campo, á gandería e á agricultura, ademais de atender as responsabilidades do fogar ata a súa xubilación.

No ano 2008, a familia asentouse en Burela, xunto ao seu fillo e nora, coas que convive na actualidade. Conta cunha ampla descendencia: tres netos e seis bisnetos. Ademais, aínda conserva unha irmá, que é máis nova ca ela.

A pesar da súa avanzada idade, Rosario goza de boa saúde. É unha entusiasta afeccionada á pintura de mandalas e, na actualidade, ocupa o seu tempo libre realizando sopas de letras. Tamén segue a crónica social na televisión e mantense informada da actualidade política.