A tradicional Festa dos Chóferes na localidade de Alfoz do Castrodouro alcanza este ano a súa 60 edición, unha data significativa que a asociación cultural O Castelo conmemorará cunha axenda de catro días de celebración, dende o xoves ata o domingo.
As festas comezarán o xoves pola noite con actuacións de Breobeats, Edu Veiga e Somiiux. O venres, a verbena estará amenizada pola recoñecida orquestra París de Noia e Eventec.
O sábado, a xornada inclúe unha misa á unha da tarde seguida dunha sesión vermú co grupo Alianza. Pola noite, Alianza volverá actuar na verbena xunto co grupo Bomba.
O domingo, a programación comezará ás doce do mediodía coa tradicional procesión de vehículos polas parroquias. Tras a misa da unha da tarde, procederase á bendición dos coches, con entrega de premios aos mellores de cada categoría. A sesión vermú e a verbena de clausura correrán a cargo do grupo La Tremenda.
“"A veciñanza mantivo viva esta festa xeración tras xeración ata convertela en parte da súa identidade e nun recurso que promove o turismo."
Na presentación do evento, celebrada o mércores, o delegado da Xunta en Lugo, Alfonso Villares, destacou a "traxectoria e proxección" da festa, felicitando á veciñanza por manter viva esta celebración que xa forma parte da súa identidade e é un recurso turístico.
