As chamas orixináronse ao redor das 12,50 horas e, segundo testemuñas, a superficie calcinada rolda os 500 metros cadrados. A pesar da proximidade do lume ás casas, a rápida actuación dos equipos de extinción evitou a necesidade de evacuar aos veciños.
Para combater o incendio desprazáronse dous axentes forestais, dúas brigadas e dúas motobombas. Aínda que se valorou o apoio aéreo, finalmente non foi necesario o uso de helicópteros nin avións.
A orografía da zona presentou dificultades de acceso para os operarios, pero as condicións meteorolóxicas, especialmente a ausencia de vento a pesar da calor, favoreceron o control e a rápida perimetración do lume.
“"Entre os veciños hai calma. De feito, había xente no bar tomándose a caña tan tranquilamente e comentando que xa están acostumados."
Os medios forestais continúan na zona refrescando o terreo co obxectivo de dar o incendio por extinguido de forma definitiva nas próximas horas.
