Estas achegas económicas permitirán aos centros educativos desenvolver actividades complementarias, adquirir material didáctico, organizar eventos e celebracións conmemorativas, así como financiar excursións de fin de curso. Ademais, nas próximas xornadas resolveranse as subvencións anuais ás asociacións de nais, pais e familias, que suman 60.000 euros e foron solicitadas ao inicio do curso escolar para adaptalas ás necesidades actuais.
As axudas concedidas aos centros son as seguintes: CEIP Isidro Parga Pondal (10.953,00 €), CEIP Rabadeira (7.637,00 €), CEIP Valle Inclán (9.082,00 €), CEIP Luis Seoane (7.382,00 €), CEIP Juana de Vega (10.781,00 €), IES María Casares (12.601,00 €), IES Miraflores (11.424,00 €) e IES Neira Vilas (10.476,00 €).
O Concello de Oleiros reafirma así o seu compromiso cun modelo educativo público, de calidade e con recursos, colaborando cos centros e coas familias para garantir as mellores oportunidades educativas para o alumnado.




