O Goberno municipal de Oleiros presentará a súa política desenvolvida durante os últimos 48 anos, baseada na planificación urbanística, a defensa do espazo público, a protección ambiental e a creación dunha ampla rede de equipamentos e servizos públicos. Este modelo político está a suscitar interese noutros territorios do Estado español e internacionalmente.
Medios de comunicación de países como Colombia, Arxentina, Uruguai, Bielorrusia, Portugal, Cuba, Chile, Estados Unidos e México fixeron eco nos últimos meses de distintas informacións relacionadas con iniciativas do Concello.
“"O modelo político transformador de Oleiros será un dos eixos do Foro Territorios que lideran que organiza a Universidade de Santiago de Compostela a próxima semana."
Representantes municipais, entre os que se atopa o alcalde Ángel García Seoane, xunto a responsables públicos e técnicos de distintas administracións, debaterán sobre o futuro dos gobernos locais neste foro.
