O presidente e conselleiro delegado de Resonac Graphite, César Castiñeira, sinalou a necesidade de priorizar a defensa da autonomía enerxética e estratéxica de Europa, así como a importancia do futuro industrial para Galicia e para toda España. Fixoo durante unha xuntanza co delegado do Goberno en Galicia, Pedro Blanco.
Durante o encontro, presentouse o proceso produtivo da planta coruñesa e os avances no desmantelamento dos terreos de Ikigai, o proxecto de ampliación que se desenvolve nas antigas instalacións de Alcoa.
“"As solucións aos problemas aos que se enfronta en Europa deben ser froito dunha estratexia común entre a empresa e o Estado con valores compartidos."
Pola súa banda, Pedro Blanco destacou o compromiso do Goberno de España como principal aliado das empresas galegas nos seus procesos de crecemento, modernización e innovación. "Cando unha empresa galega quere ampliar a súa actividade, gañar competitividade ou abrir novas oportunidades de futuro, atopa ao seu carón un Goberno comprometido coa industria e co emprego", afirmou.
Resonac Graphite Business Unit é líder mundial na fabricación de electrodos de grafito, con centros de produción en Europa, América e Asia.
