A compañía Repsol presentou este martes á Xunta de Galicia os proxectos que desenvolve na súa refinaría da Coruña. A reunión tivo lugar entre representantes da empresa e as conselleiras de Medio Ambiente e Cambio Climático, Ángeles Vázquez, e de Economía e Industria, María Jesús Lorenzana.
Durante o encontro, os representantes da empresa detallaron algunhas das iniciativas que se están a levar a cabo na compañía e especificamente no complexo coruñés. O foco estivo na transformación industrial e na descarbonización de procesos e produtos.
Ambas as entidades exploraron vías de colaboración conxunta para avanzar nestes ámbitos estratéxicos para o futuro da industria e o medio ambiente.
