O programa, que se estende a 20 centros educativos máis que o ano pasado, busca acadar unha ampla participación e inclúe a posibilidade de administrar a vacina intranasal, sen necesidade de picada, ao alumnado de entre 3 e 11 anos.
A iniciativa distribúese polas sete áreas sanitarias de Galicia. Na área da Coruña e Cee participarán 12 centros; 4 na de Ferrol; 14 na de Santiago de Compostela e Barbanza; 9 na de Pontevedra e O Salnés; 12 na de Lugo, A Mariña e Monforte de Lemos; 11 na de Vigo; e 13 na de Ourense, Verín e O Barco de Valdeorras.
O pasado ano, a Consellería de Sanidade xa puxo en marcha un proxecto piloto similar en 50 centros, logrando unha taxa de participación do 51%. Este ano, a ampliación a 75 colexios busca consolidar e expandir o alcance da campaña, chegando a contornos urbanos, semiurbanos e rurais.
“"Ao igual que o pasado ano, poderase administrar a vacina intranasal, sen picada, ao alumnado de entre 3 e 11 anos."
