A aparición case simultánea de tres doantes multiorgánicos, un deles fóra de Galicia, esixiu unha gran capacidade organizativa ao hospital coruñés durante o mes de agosto. Entre o xoves pola tarde e o sábado pola madrugada, os equipos do Chuac levaron a cabo a implantación de dous pulmóns, catro riles e dous fígado.
O coordinador cirúrxico da Área Sanitaria da Coruña, Carlos Nieto, explicou que "xuntáronse moitos transplantes en moi pouco tempo e iso esixe un esforzo organizativo coa dificultade engadida de que estamos en período estival". O dispositivo comezou o xoves ás 15:30 horas coa primeira extracción nos quirófanos do Chuac, mentres outro equipo desprazábase a Navarra para recoller un dos doantes.
A complexidade do operativo tamén implicou a necesidade de compatibilizar estas intervencións coa actividade asistencial habitual do hospital, nun momento no que parte do persoal está de vacacións. "Puidémolo facer intentando minimizar na actividade ordinaria. Houbo que suspender dous quirófanos que xa reprogramamos", sinalou Nieto.
O Chuac lidera a actividade trasplantadora en España, rexistrando 313 trasplantes en 2025. Segundo os seus responsables, a capacidade de resposta ante situacións extraordinarias é froito dun sistema coordinado entre profesionais de diferentes servizos. "Hai varias patas para que isto funcione. Unha é o compromiso dos profesionais. Pero sen dúbida o máis importante son os doadores e as familias", destacou o coordinador cirúrxico.
A taxa de aceptación de doazón de órganos en A Coruña sitúase por riba da media nacional, cun nove de cada dez familias que aceptan doar. Esta solidariedade permitiu que sete pacientes recibisen unha nova oportunidade grazas a tres doantes e ás súas familias, mentres o centenar de profesionais coordinaba durante horas as diferentes fases do operativo.
