O conxunto branquivermello logrou unha mínima pero significativa vantaxe para o partido de volta, que se xogará na casa, no Ponte dos Brozos. A súa posición na liga, terceiro clasificado, permítelles pasar á seguinte rolda cun empate no global da eliminatoria.

Os de Posi souberon defenderse lonxe do seu feudo fronte a un Estradense que dominou a posesión e as ocasións ante o seu público, pero sen conseguir bater a portería defendida por Carlos García.

A balanza decidiuse na segunda metade. Tras un rexeite do porteiro local, Rubo recuperou o balón e centrou á área pequena, onde Pablo Martínez rematou ao fondo da rede para marcar o único gol do encontro. Os visitantes souberon aguantar o resultado para asegurar unha renda que pode ser decisiva.

Na outra semifinal autonómica, o Racing Villalbés e o Compostela empataron sen goles (0-0).