Os efectivos de emerxencias desprazáronse ata o número 12 da rúa Río de Quintas, nas vivendas de Santa Bárbara, onde atoparon as persianas derretidas polo lume. Tras acceder ao interior, localizaron o corpo da vítima no salón, presentando síntomas de asfixia e queimaduras.

Segundo as primeiras indicacións dos bombeiros, todo apunta a que o incendio se orixinou pola queima dunha poltrona e se estendeu a outros mobles da estancia onde se atopaba a muller. Unha investigación posterior determinará as circunstancias exactas do falecemento e a súa relación co suceso.

Ao chegar ao lugar, os bombeiros comprobaron que o lume xa se extinguira por autoconsumo, o que facilitou a ventilación da vivenda. No operativo tamén participaron efectivos de Urxencias Sanitarias 061, Policía Nacional e Policía Local.