O Concello de Miño impulsa a mellora da rúa Estrada da Praia, no núcleo urbano do municipio, cun investimento previsto de 390.141 euros para a primeira fase da súa reforma integral. Os traballos incluirán a renovación do pavimento das beirarrúas e bordillos, a instalación de novo mobiliario urbano, tarefas de axardinamento e a mellora da sinalización viaria.
Esta actuación, que se estenderá ata a praia nunha segunda fase, abranguerá unha superficie aproximada de 2.265 metros cadrados de beirarrúas co obxectivo de incrementar a accesibilidade e a seguridade para os viandantes.
“"Son fundamentais para seguir avanzando na creación de espazos urbanos máis accesibles e cómodos para a veciñanza."
O alcalde de Miño, Manuel Vázquez Faraldo, destacou a importancia destes traballos para o desenvolvemento de espazos urbanos máis amigables e funcionais para os residentes.
