Os traballos, cun investimento superior aos 213.000 euros, céntranse nos primeiros 260 metros da vía ao seu paso polo núcleo de Cortiñán. Esta intervención responde á necesidade de actuar nunha zona con numerosas vivendas próximas á estrada e unha calzada de anchura reducida, condicións que facían imprescindible modificar a organización do tráfico para reforzar a seguridade.
A medida principal desta actuación será a implantación dun único sentido de circulación neste tramo inicial da DP-01015. Esta modificación busca reducir riscos e mellorar a convivencia entre vehículos e residentes, cun prazo de execución previsto de catro meses.
“"Esta reorganización busca canalizar a circulación principal por unha alternativa máis axeitada, propiciando que o tráfico principal se desvíe cara ao ramal que conecta coa estrada nacional N-VI."
A intervención forma parte das actuacións da Deputación orientadas á mellora da rede viaria provincial, especialmente en puntos onde a configuración urbana e a densidade residencial requiren adaptacións específicas para incrementar a seguridade de todos os usuarios.
