Como reforzo para as festas, haberá tamén un Punto Violeta itinerante. Este punto estará integrado por dúas profesionais especializadas que se desprazarán polos diferentes espazos festivos para aumentar a accesibilidade e a proximidade coas persoas asistentes, achegándose directamente a elas.
Os Puntos Violeta son espazos de referencia para a atención e o apoio psicolóxico, dirixidos por un equipo de profesionais na materia. Estes puntos contan cun Protocolo de Actuación que se desenvolve en colaboración directa coas Forzas e Corpos de Seguridade e cos Servizos Sanitarios.
Ademais, funcionan como lugares de sensibilización accesibles para a cidadanía. Neles, ofrécese material informativo e divulgativo sobre os recursos e servizos municipais dispoñibles, así como actividades de concienciación adaptadas a diferentes idades.
