A directora xeral de Promoción da Igualdade, Eloína Ingerto, subliñou hoxe a importancia de fomentar iniciativas que favorezan a conciliación da vida familiar e laboral, como os campamentos de verán, durante a súa visita ao campamento organizado pola Asociación de Familias Monomarentais de Galicia (Fagamos).
Esta actividade enmárcase no programa Currunchiños de conciliación, que busca dar resposta ás necesidades de soporte nos coidados das familias monoparentais. O programa está apoiado pola Xunta de Galicia a través do Plan Corresponsables.
A responsable autonómica destacou que os proxectos financiados polo Plan Corresponsables son unha mostra do compromiso do Goberno galego co benestar das familias e coa igualdade. Neste sentido, lembrou que a Xunta destina este ano un total de 7,4 millóns de euros ao desenvolvemento de iniciativas de conciliación en toda Galicia.
Este plan está cofinanciado polo Ministerio de Igualdade e busca promover a compatibilidade entre a vida familiar e laboral a través de diversas actividades como campamentos de verán, programas de madrugadores ou actividades culturais.
