A achega provincial suma 215.042,013 euros sobre un orzamento total de 388.040,35 euros. O obxectivo principal desta colaboración é consolidar a oferta de actividades socioculturais, a formación dixital, a atención á infancia e ás persoas maiores, ademais de garantir o persoal especializado en ambos os espazos.
O primeiro convenio céntrase no programa de actividades dos centros socioculturais do ámbito rural de Santiago para 2026. Cun orzamento de 150.000 euros para animación sociocultural e novas tecnoloxías, a Deputación achega o 50%, un máximo de 75.000 euros. Este financiamento permite desenvolver obradoiros infantís, iniciativas de dinamización dixital para maiores, actividades de estimulación da memoria, desenvolvemento persoal e propostas de lecer interxeracional.
O segundo convenio destínase ao sostemento do Centro Sociocultural e Xuvenil do Ensanche en 2026. O orzamento de gastos de persoal ascende a 238.040,35 euros, dos cales o organismo provincial asume o 58,83%, é dicir, 140.042,13 euros. Este apoio garante o mantemento dun espazo clave para a veciñanza do Ensanche, con actividades como clubs de lectura, xadrez, teatro, obradoiros informáticos e programas culturais e de benestar.
