A administración autonómica decretou esta medida preventiva pola proximidade do lume ás poboacións de Cruxeiras de Abaixo e Sobrerribas.
O incendio forestal, que se declarou este venres nun día de altas temperaturas para a época do ano (superiores aos trinta graos), presentaba unha evolución favorable para a súa estabilización. Non obstante, un flanco reactivouse e a superficie afectada xa se eleva a unhas 180 hectáreas, 80 máis que a primeira hora da mañá.
A activación da alerta 2 débese á proximidade do lume a zonas habitadas, o que require a intervención de medios estatais.
