O suceso produciuse na tarde deste martes cando se orixinou un lume na campana extractora da cociña. O inquilino, ao decatarse do incidente, deu aviso aos bombeiros de A Coruña, pero antes de que chegasen os efectivos, logrou extinguir as chamas polos seus propios medios.
Aínda que as feridas foron leves, o home tivo que ser atendido polos servizos sanitarios de urxencia do 061, que se desprazaron ata o lugar para valorar e tratar as queimaduras nas mans.
Unha dotación de oito bombeiros, con tres vehículos, acudiu ao inmoble. Á súa chegada, o lume xa estaba apagado. A súa intervención centrouse en ventilar a vivenda, que resultou afectada pola fumareda, e en completar as tarefas de extinción para garantir que non houbese risco de que o lume se reavivase.
