O director xeral de Pesca, Acuicultura e Innovación Tecnolóxica, Isaac Rosón, reuniuse co director xeral da Cámara de Comercio da Coruña, Manuel Galdo, para coñecer as novidades desta edición.
Este evento busca ofrecer novas oportunidades ás empresas do sector mar-industria galego para incrementar ou diversificar as súas exportacións. Na xornada daranse cita arredor dun milleiro de empresarios estranxeiros procedentes de 30 países, que manterán reunións cos exportadores galegos.
