O incidente tivo lugar cando o vehículo circulaba pola A-6, e aínda que o condutor puido abandonar o turismo sen sufrir danos, a magnitude das chamas e a intensa fumareda causaron unha considerable alarma entre os demais condutores que transitaban pola zona nese momento.

Testemuñas presenciais describiron o suceso como unha “auténtica bola de lume”, destacando a visibilidade da columna de fume negro desde varios quilómetros, incluíndo puntos como Santa María de Vigo, o que xerou expectación en gran parte do termo municipal cambrés.

Este suceso súmase a outro incendio rexistrado tamén este xoves, a primeira hora da mañá, cando unha furgoneta ardeu mentres recargaba nunha electroliñeira en Montesalgueiro.