O proxecto, que comezou hai un ano como unha iniciativa de afeccionados, consolidouse como un dos segredos mellor gardados da cidade. A través dun proceso minucioso, os responsables desta firma local logran extraer os matices máis complexos do gran, un labor que require precisión técnica e paciencia durante a fase de caramelización.
A calidade do seu produto permitiulles colaborar con recoñecidos establecementos hostaleiros, incluíndo restaurantes con Estrelas Michelin en Galicia. Aínda que actualmente a súa distribución realízase a través de puntos de venda asociados e a súa plataforma dixital, o obxectivo a longo prazo é abrir un espazo propio na cidade onde ofrecer as súas mesturas directamente ao consumidor.
“"Todo isto estalle abrindo a mente á xente, agora xa elixen máis o sitio no que van tomar o café. Ademais, neste sector cada día sae algo novo."
A súa proposta destaca por mesturas singulares, como a combinación brasileira-colombiana que xa se sitúa entre os seus produtos máis demandados. Mentres compaxinan esta actividade co seu traballo profesional como baristas, os fundadores manteñen a súa aposta pola formación continua e a experimentación, nun mercado, o do café de especialidade, que vive un momento de auxe na Coruña.
