O obxectivo é reforzar a función deste equipamento como punto de encontro e dinamización social na parroquia. A cafetería, situada na planta baixa, conta cunha superficie útil de 143,15 metros cadrados, incluíndo unha zona de comedor, barra, cociña e almacén, ademais dunha terraza exterior de 18,35 m².
A persoa ou empresa adxudicataria terá a responsabilidade de xestionar as instalacións e o equipamento existente, así como de realizar a limpeza diaria do establecemento e dos aseos para garantir o seu bo estado.
A concesión terá unha duración inicial de dous anos, prorrogable por dous anos máis, cun canon mínimo anual de 1 euro. Esta medida busca facilitar a posta en funcionamento do servizo e asegurar a súa viabilidade económica.
Con esta iniciativa, o Concello pretende consolidar o Centro Social e Cultural de Suevos como un espazo aberto á veciñanza, fomentando a participación social e impulsando a actividade económica na parroquia.
As persoas interesadas poden consultar toda a documentación e as condicións da licitación na Plataforma de Contratación do Sector Público.
