A Vicerreitoría de Estudantes e Empregabilidade da UDC convoca a 2.ª edición do programa, dotado con 47.500 euros, financiados polo Banco Santander en virtude dun convenio asinado coa universidade.
Estas bolsas están dirixidas ao estudantado da UDC matriculado no curso 2026/27 que teña realizadas, estea a realizar ou fose seleccionado para unha práctica académica externa, curricular ou extracurricular, que se desenvolva integramente durante o ano 2026.
Os requisitos completos para o estudantado participante atópanse detallados nas bases da convocatoria, publicadas o pasado 21 de xullo de 2026 no TEO (Taboleiro Electrónico Oficial) da Sede Electrónica da UDC.
As persoas interesadas deberán realizar unha dobre inscrición: unha na plataforma de bolsas do Banco Santander e outra a través dun formulario en liña da UDC.
O prazo para presentar as solicitudes de inscrición estará aberto dende o 22 de xullo de 2026 ata o 02 de outubro de 2026 ás 23:59 horas.
Para calquera dúbida relacionada co programa, o estudantado pode contactar a través do correo electrónico: emprego.vee@udc.gal.
