A formación nacionalista sinalou que o areal carece actualmente de elementos fundamentais como fontes, duchas, aseos ou contedores de lixo. Ademais, o grupo municipal advertiu que a zona de aparcamento resulta insuficiente para a demanda existente.
A través dunha serie de preguntas rexistradas no Concello, o grupo político cuestionou a xestión da limpeza e a salubridade do espazo. Tamén solicitaron explicacións sobre a ausencia desta praia no censo oficial de zonas de baño, o que impide que estea suxeita aos controis sanitarios habituais.
