No Fórum Metropolitano repartiranse 70 composteiros, mentres que os dez restantes xa foron distribuídos en colexios públicos. As persoas e entidades adxudicatarias recibirán, ademais do colector, formación para o seu uso, un caldeiro e un manual de compostaxe.
Esta iniciativa forma parte da estratexia do Goberno local para a xestión de residuos urbanos, baseada na separación, reciclaxe e economía circular. Os composteiros foron adxudicados de forma gratuíta seguindo a orde de entrada das solicitudes.
O reparto responde á crecente demanda cidadá de sistemas para reducir o volume de lixo que chega á planta de tratamento, buscando a posta en valor dos residuos orgánicos.
