A hostalaría da Coruña poderá instalar barras no exterior dos seus establecementos o vindeiro 12 de agosto, día no que se prevé unha alta afluencia de visitantes con motivo do eclipse solar. A medida foi anunciada pola alcaldesa, Inés Rey, quen detallou que se publicará un bando especial para regular esta situación.
Quen opte por instalar estas barras temporais deberán garantir o uso dos seus aseos para os viandantes ou, na súa falta, instalar un baño químico. O obxectivo é evitar que se produzan orines na vía pública, unha situación que se adoita dar noutras festividades como o San Xoán.
Ademais, haberá restricións no que respecta á animación sonora. Estará prohibido poñer música ou calquera tipo de animación con altofalantes entre as 19:45 e as 20:30 horas. Esta medida busca garantir que todos os cidadáns poidan gozar do fenómeno astronómico sen "distorsións".
