A compañía Detegasa, recoñecida pola súa traxectoria de máis de catro décadas no deseño, fabricación e subministro de solucións avanzadas para os sectores naval, defensa e offshore, abriu unha nova oferta de emprego. A empresa busca incorporar un/ha Técnico/a Responsable de Servizo Postventa co obxectivo de fortalecer a súa área de postvenda.
As funcións principais do posto inclúen a posta en marcha de equipos e sistemas en astedoiros, buques e instalacións industriais. O/a profesional tamén se encargará da coordinación de medios humanos e técnicos para asistencia técnica a nivel nacional e internacional, así como da xestión e resolución de incidencias de clientes na fase de postventa. Ademais, deberá comprobar o correcto montaxe e funcionamento dos equipos, realizando os axustes necesarios e resolvendo incidencias durante as asistencias técnicas.
A intervención técnica abarcará sistemas de electricidade industrial, hidráulica, neumática e mecánica básica. O posto tamén require atención e soporte técnico ao cliente, tanto presencial como remoto, a elaboración de informes de intervención e seguimento, e a coordinación cos equipos internos para a resolución eficaz de incidencias. Proporanse melloras para evitar a reincidencia de problemas.
En canto aos requisitos, exíxese formación e experiencia técnica en Electromecánica, Mantemento Industrial, Electricidade, Mecatrónica ou similar, cunha experiencia mínima de 5 anos en posta en marcha, mantemento ou servizo técnico de equipos industriais. Valorarase positivamente a experiencia no sector naval. Tamén se require capacidade para interpretar planos e documentación técnica, coñecementos de automatización e/ou control, e dispoñibilidade para viaxar. É imprescindible un nivel alto de inglés.
Valorarase formación en Enxeñaría Mecánica, Eléctrica ou Electrónica, así como experiencia profesional en astedoiros ou a bordo de buques. As persoas interesadas deben enviar o seu CV a rrhh@detegasa.com, indicando a referencia POSTVENTA.
