O Concello de Culleredo deu un paso máis na súa implicación co acollimento familiar de menores. A responsable da Concellaría de Cohesión Social, Marta Figueroa, reuniuse con Carmen Dourado e Mónica Permuy, representantes de Acougo (Asociación galega de familias de acollida). Ambas as partes acordaron a elaboración dun convenio de colaboración entre a asociación e o goberno local.
O documento centrarase en promover a información sobre o acollimento, a formación especializada na materia e a sensibilización da opinión pública respecto a esta importante cuestión social.
“"En Galicia, máis dun milleiro de menores viven con familias de acollida."
Con esta nova colaboración, o Concello de Culleredo reitera o seu apoio á causa das familias de acollida, enmarcado dentro do compromiso coa sociedade que mantén o goberno local.
