O recinto galego espera unha gran afluencia de público para gozar dun dos espectáculos ecuestres máis importantes do panorama nacional. Para facilitar o acceso, a organización xa habilitou a descarga de invitacións gratuítas a través da páxina web do evento, www.csicasasnovas.com. As entradas poderán presentarse en formato dixital no móbil, sen necesidade de impresión.
O CSI 4 reunirá a algúns dos binomios máis cotizados a nivel internacional, así como aos mellores xinetes e amazonas españois e talentos emerxentes. Ademais da competición de alto nivel, o evento ofrecerá diversas actividades de ocio para todos os públicos. Incluiranse concertos de música en directo a cargo de Platinum Sound, propostas para o público infantil como o Pony Park, obradoiros e pintacaras, ademais dunha variada oferta gastronómica con establecementos de renome.
As gradas do recinto galego esperan unha entrada masiva, para gozar dun dos mellores espectáculos que se poden presenciar, polo menos, en España.
A cita, que se consolida no calendario hípico, busca ofrecer unha experiencia completa que combine a emoción da competición coa oferta de ocio e cultural, converténdose nun punto de encontro para os afeccionados á hípica e ao deporte en xeral.
