A proposta gastronómica arrincará mañá, sábado 6, e estenderase ata o domingo, coa adhesión de 13 establecementos hostaleiros do concello. Durante ambas as xornadas, os locais participantes ofrecerán diversas elaboracións culinarias en formato tosta, cada unha co seu toque distintivo.

Entre as creacións que se poderán degustar atópanse receitas como a "Tosta do paraíso", a "Tosta a toda brasa", a "Cantábrica e mediterránea", a "Tosta á italiana", a "Tosta de tartar de salmón", a "Tosta carrillera" ou a "Tosta do Norte", entre outras propostas que buscan resaltar a versatilidade e calidade do pan de Carral.

Os asistentes poderán gozar de cada tosta cun prezo fixo de cinco euros, que inclúe a consumición. Os horarios específicos de cada establecemento poderán consultarse na páxina web municipal e nas redes sociais do Concello de Carral.