A intervención, que se saldou sen incidentes grazas á colaboración dun veciño, resolveuse coa extinción dunha pequena queima de peles de ovella que se estaba a realizar nunha zona considerada de posible risco de propagación de incendio forestal.
Os feitos ocorreron na mañá do sábado, cando os servizos de emerxencias recibiron varias chamadas de veciños da zona de Feáns alertando da presenza de fume. Inicialmente, pensouse que se trataba dunha queima de restos de poda.
Unha dotación de bombeiros, composta por cinco efectivos e un vehículo forestal, desprazouse ao lugar. Paralelamente, informouse ao servizo de emerxencias forestais 085 e á Policía Nacional.
Ao chegar, os bombeiros localizaron a un home que estaba a realizar a queima. Comunicáronlle a prohibición de facer lume nesta época do ano e procederon a apagar o foco. A persoa colaborou en todo momento coas autoridades.
