O cartel inaugural de The Sound Lanzós presenta unha selección de grupos que transitan entre o neo-pysch, o shoegaze e o post-punk. Entre as formacións confirmadas atópanse Fúlmine, orixinarios de Betanzos, xunto a The Black Age e Morgen, ambos de A Coruña. Tamén participará El Saguaro, procedente de Portugal, e os cabezas de cartel, os australianos The Dharma Chain, que farán unha parada na cidade brigantina dentro da súa xira por España.
O festival terá lugar na Rúa Lanzós e non só ofrecerá concertos. A programación inclúe un mercadillo de primavera, organizado polo Rastro de Merce, e unha charla co xornalista Fernando "Tanxencias" Sampredro, promovida pola librería Lanzós. Ademais, un DJ amenizará os descansos entre as actuacións musicais, e haberá postos de artesáns e food-trucks para completar a oferta.
O evento comezará ás catro da tarde e estenderase ata as tres da madrugada. Segundo Adolfo Sánchez, impulsor da iniciativa, o obxectivo principal é
“"favorecer e reforzar a programación cultural, de ocio e económica do casco histórico."
Esta primeira edición de The Sound Lanzós busca consolidar a Betanzos como un punto de referencia para a música en directo na comarca, seguindo a traxectoria do Café Lanzós como espazo cultural.
