A directora xeral de Persoas con Discapacidade, Begoña Abeijón, participou na mañá do 28 de xullo de 2026 na xornada de portas abertas do centro ocupacional de Aspadisol, en Oleiros. Baixo o lema "Facendo comunidade", a entidade organizou diversas actividades para dar a coñecer a súa labor ao longo de tres décadas.
Durante a visita, Begoña Abeijón eloxiou a atención próxima e especializada que Aspadisol ofrece aos 25 usuarios do centro, felicitando á dirección "por tres décadas apoiando sempre e en todo momento ás persoas con discapacidade intelectual de Oleiros, da súa comarca e ás súas familias".
A xornada de portas abertas inclúe percorridos polas instalacións, presentación de obradoiros, encontros con usuarios e persoal, exposición de produtos elaborados polas persoas usuarias e actuacións musicais.
