A programación inclúe unha ampla gama de cursos, dende informática básica e manexo de teléfonos móbiles ata inglés de iniciación, pasando por obradoiros de cociña, primeiros auxilios, redes sociais seguras e formación específica para asociacións sobre ferramentas dixitais e xestión de subvencións.
Os cursos de informática, con un prezo de 20 euros, están deseñados para iniciarse no manexo do ordenador, a navegación por internet e xestións dixitais. Desenvolveranse en varios centros sociais do municipio, como Monteagudo, A Baiuca e Lañas, durante os mércores e xoves de outubro a decembro.
A formación en inglés, tamén por 20 euros, centrarase en adquirir vocabulario básico e estruturas sinxelas para a comunicación. Impartirase os venres en Pastoriza e Servizos Sociais.
O uso de teléfonos móbiles para persoas adultas, cun custo de 20 euros, busca mellorar a autonomía e seguridade no manexo destes dispositivos. As clases terán lugar en Pastoriza, Barrañán e O Froxel os luns e martes.
O obradoiro de cociña, con un prezo de 20 euros, celebrarase no Centro Social de Meicende os luns, ofrecendo un espazo para aprender receitas sinxelas e promover hábitos alimentarios saudables.
Un curso intensivo de primeiros auxilios terá lugar o sábado 14 de novembro no Centro de Maiores A Baiuca por 5 euros, enfocado en coñecementos básicos para emerxencias.
As redes sociais seguras contarán con dúas edicións, ambas por 20 euros, no Centro de Maiores A Baiuca e no Centro Social de Meicende, abordando o uso responsable e consciente destas plataformas.
Compleméntase a oferta co curso «Asociacións ao día: ferramentas dixitais e xestión de subvencións», dirixido ao movemento asociativo. Terá lugar no Centro de Maiores A Baiuca os sábados 10 e 24 de outubro por 5 euros, e tratará sobre xestión dixital e de subvencións.
O prazo de inscrición abrirase do 22 ao 29 de setembro. Os impresos poderán recollerse nas oficinas do Departamento de Participación Cidadá ou enviarse ao correo electrónico participacion.cidada@arteixo.org.
En caso de superar as prazas ofertadas, realizarase un sorteo público o 30 de setembro ás 11:00 horas no Centro A Baiuca, con preferencia para os empadroados. A formalización da matrícula e o pagamento deberán realizarse entre o 30 de setembro e o 2 de outubro.
Para máis información, o Departamento de Participación Cidadá dispón do teléfono 981 659 095.
