As reservas de sangue dos grupos A+, 0+ e 0- atópanse actualmente en niveis baixos, o que fai necesaria unha maior participación nas campañas de doazón promovidas pola Consellería de Sanidade a través de ADOS. Os centros sanitarios galegos requiren entre 400 e 500 doazóns diarias para garantir a asistencia sanitaria.
Os compoñentes sanguíneos son imprescindibles para moitos procedementos asistenciais nos hospitais de Galicia. Aínda que comezan as vacacións, as necesidades hemoterápicas non diminúen, polo que se subliña a importancia da xenerosidade e o altruísmo cidadán para incrementar as reservas.
Ao longo desta semana, a doazón poderá realizarse nos locais de atención permanente ao doador das sete cidades galegas ou nas unidades móbiles que visitarán diversos concellos. As unidades móbiles desprazaranse a:
Martes 7 de xullo: Polígono Piadela (Betanzos), Bº das Conchiñas (A Coruña), Culleredo, Área Central-Fontiñas (Santiago), Silleda, Combarro, Barro, O Rosal, Bº Balaídos (Vigo), Bº A Milagrosa (Lugo), Xove, A Valenzá (Barbadás).
Mércores 8 de xullo: As Pontes, O Burgo (Culleredo), Perillo (Oleiros), Vedra, Santa Cruz de Ribadulla, Praza Roxa (Santiago), Zona da Ferraría (Pontevedra), Rúa Príncipe (Vigo), Santa Mª de Oia, Praza Maior (Lugo), Ribadavia.
Xoves 9 de xullo: Miño, Cantón-Obelisco (A Coruña), Malpica, Padrón, Esteiro, Illa de Aorusa, Bº do Calvario (Vigo), Guizán, Foz, A Merca, Taboadela, Bº do Vinteún (Ourense).
Venres 10 de xullo: Coirós, Arteixo, Ponteceso, Noia, O Pino, Cambados, Redondela, Cabral (Vigo), Chantada, Verín.
Sábado 11 de xullo: Arteixo, Noia, Redondela, Centro comercial As Termas (Lugo).
Para máis información, os cidadáns poden consultar o portal web [ados.sergas.gal](https://ados.sergas.gal/), as redes sociais, ou chamar ao teléfono gratuíto 900 100 828.
