Aínda que non houbo acertantes nin da Categoría Especial (seis acertos máis reintegro) nin da Primeira Categoría (seis acertos), tres boletos lograron a Segunda Categoría (cinco acertos máis o complementario). Un destes afortunados validouse na administración número 7 da Coruña, na rúa Nova.

Os outros dous premios de idéntica categoría foron selados en Coín (Málaga) e Bilbao. Cada un dos posuidores destes boletos recibiu un total de 65.957,80 euros.

A combinación gañadora do sorteo estivo composta polos números 27, 28, 41, 43, 4 e 23. O número complementario foi o 42, o reintegro o 6 e o Joker, 5143754. A recadación total ascendeu a 10.298.369 euros. Dado que non houbo gañadores do bote, este acumularase para o próximo sorteo do luns, onde un único acertante de Primeira Categoría con Categoría Especial podería gañar 6.700.000 euros.