A expectación ante o fenómeno astronómico, o primeiro eclipse total de Sol visible desde a Península Ibérica en máis dun século, xa se reflicte nas reservas hoteleiras da cidade. A pesar de que faltan meses para a cita, a demanda de aloxamento é moi elevada, consolidando a Coruña como un dos puntos estratéxicos para a observación do evento.
Fontes do sector hostaleiro sinalan que o impacto vai máis aló dunha simple xornada turística. A coincidencia co mes de agosto, un período de alta afluencia habitual na cidade, permite que os visitantes prolonguen a súa estancia, xerando un efecto multiplicador en bares, restaurantes e locais de ocio da contorna de Riazor e o centro urbano.
“"O hospedaxe ten un nivel de ocupación practicamente do 100 %, non sei se queda algunha praza libre por aí, pero por sorte a maioría xa están completos."
O reto para as autoridades e o sector privado será a xestión dos fluxos de persoas e a mobilidade durante esa tarde de agosto. Aínda que a previsión económica é moi positiva, a visibilidade final do eclipse dependerá dun factor incontrolable: a climatoloxía e a ausencia de nubes no momento no que a Lúa se interpoña entre a Terra e o Sol.
