O encontro marcou o inicio da fase de adaptación da rede e centrou os seus traballos no segundo ámbito temático de transferencia: o modelo Green Council. Esta iniciativa fomenta a participación dos axentes locais e a colaboración entre os distintos departamentos municipais na planificación e xestión dos espazos verdes urbanos.
Durante as xornadas, as cidades participantes compartiron experiencias, coñeceron boas prácticas e analizaron os principais retos e oportunidades relacionados co desenvolvemento e a xestión da infraestrutura verde urbana. Destacou o Nature-based Solutions (NBS) Marketplace, un espazo de intercambio onde os socios presentaron solucións baseadas na natureza.
A participación en Veszprém supuxo para Arteixo unha oportunidade para coñecer outros modelos de xestión e explorar novas perspectivas que contribúan a mellorar a planificación e xestión dos seus espazos verdes. O obxectivo é avanzar cara a unha xestión máis integrada e transversal da infraestrutura verde.
O traballo continuará a través do Grupo Local URBACT (ULG) de Arteixo, clave para desenvolver propostas concretas adaptadas ao contexto e prioridades do municipio. A rede PARKS facilita o intercambio de coñecementos e a adaptación de boas prácticas entre cidades europeas.
