O parque de Arteixo, que substitúe as antigas instalacións de Sabón, inicia a súa andaina cun cadro de 18 efectivos, que se ampliará ata os 25. Dará servizo aos concellos de Arteixo, Cambre, Carral, Culleredo e Oleiros.
O proxecto, cun investimento de 1,3 millóns de euros, sitúase nunha parcela de 4.000 metros cadrados no polígono de Morás. A súa localización estratéxica na avenida Pedra Áceda ofrece conexión directa coa A-6 e a AG-55, o que facilitará a redución dos tempos de resposta ás emerxencias.
As novas dependencias contan con amplos garaxes, centro de control, áreas de formación, ximnasio, zonas de descontaminación e espazos de descanso, mellorando as condicións de traballo do persoal.
A posta en marcha da base culmina o proceso de traslado e materializa a colaboración institucional entre a Deputación da Coruña, a Xunta de Galicia e o Concello de Arteixo, segundo destacou o presidente da Deputación, Valentín González Formoso, na entrega das obras.
