A proposta busca incorporar estas propiedades ao mercado, co obxectivo de aumentar a oferta dispoñible para os cidadáns. A iniciativa xorde da preocupación pola dificultade de acceso á vivenda na cidade.
“"O da vivenda non é un problema xeracional, non afecta só a mocidade. É un problema transversal e atinxe sobre todo ás persoas traballadoras. Hoxe na Coruña é practicamente imposíbel mercar un piso co salario normal dunha persoa traballadora. Desde o BNG imos traballar para termos unha Coruña en que a xente poda vivir nos seus barrios."
Durante o acto Garantir a Vivenda. Erradicar a Crise, organizado polo BNG e Galiza Nova da Coruña, subliñouse a necesidade de que o Goberno local investigue a situación das aproximadamente 20.000 vivendas baleiras que se estima que existen na cidade.
“"O Goberno local ten que facer un estudo do Parque Inmobiliario da cidade. Queremos saber en que situación se atopan as famosas 20.000 vivendas baleiras que hai na Coruña, en que situación de accesibilidade, de habilitabilidade, para as pór no mercado e aumentar a oferta de vivendas en aluguer."
Este estudo permitiría determinar as condicións de accesibilidade e habitabilidade destas propiedades, un paso fundamental para a súa posterior incorporación ao mercado de aluguer e así aliviar a presión sobre os prezos e a dispoñibilidade de vivenda.
