A empresa Vitrasa, actual concesionaria do servizo de transporte urbano en Vigo, foi a proposta técnica mellor valorada entre as seis candidatas que aspiran a facerse co novo contrato para os próximos nove anos. O informe da mesa de contratación do Concello detalla a puntuación obtida por cada oferta en nove apartados clave.
Os criterios de avaliación incluíron a memoria xeral e de operación do servizo, a proposta de investimentos, o plan de mantemento, a xestión informática e proxecto tecnolóxico, a atención aos usuarios, a prevención e seguridade, a xestión ambiental e a calidade na operación e xestión eficiente. Cada apartado tiña unha puntuación máxima de 45 puntos.
Vitrasa acadou unha puntuación de 40,80 puntos, superando en máis de un punto e medio á segunda mellor valorada, a UTE Empresa de Blas-Xerpa Mobility, que obtivo 39,20. Outras empresas como Subús (Vectalia) (34,10), Transportes Rober (31,40), UTE Barraqueiro-Autos González (30,45) e Marfina Bus (28,10) completan o informe técnico municipal.
