A mostra, de carácter itinerante e impulsada pola Fundación Rosalía de Castro, presenta o traballo de 34 artistas galegos e galegas que ofrecen unha nova lectura da figura e do legado da escritora. Entre os ilustradores participantes atópanse nomes recoñecidos no panorama galego como Miguelanxo Prado, Luís Davila, Xaquín Marín, Bea Lema, Elga Lamas, Iria Ribadomar, Andrés Meixide, Bea Gregores ou Kiko da Silva.
Na inauguración estiveron presentes diversas autoridades, entre elas a vicepresidenta do organismo provincial, Luisa Sánchez, o deputado Jorge Cubela, o conselleiro de Cultura, José López Campos, o presidente do Parlamento de Galicia, Miguel Santalices, e o director da Fundación Rosalía, Anxo Angueira, ademais dalgunhas das artistas que colaboraron na iniciativa.
“"A cultura constrúese colectivamente, e cando sumamos esforzos o resultado é máis rico."
A vicepresidenta provincial tamén destacou o enfoque da exposición, describíndoa como “un diálogo entre a palabra e a imaxe, entre a tradición e a creación contemporánea”, e subliñou a vixencia de Rosalía de Castro como referente cultural galego.
A exposición poderá visitarse na sede da Deputación de Pontevedra en Vigo ata o 12 de xuño, en horario ininterrompido de 09:00 a 20:30 horas. Posteriormente, Rosalía Ilustrada continuará o seu percorrido no Pazo Provincial de Pontevedra, reforzando así a difusión da obra da autora en diferentes puntos de Galicia.
